കളിവാക്കു ചൊല്ലുമ്പോൾ
കളിവാക്കു ചൊല്ലുമ്പോൾ കണ്ണാടിക്കവിളത്ത്
കാണുന്നതെന്തേ സിന്ദൂരം- പെണ്ണേ
കാണുന്നതെന്തേ സിന്ദൂരം (കളിവാക്കു...)
(കളിവാക്കു... )
പണ്ടത്തെ പാട്ടുകൾ കേൾക്കുമ്പോൾ
പെണ്ണിന്റെ ചുണ്ടത്ത് പൂത്തല്ലോ മന്ദാരം - പെണ്ണേ
ചുണ്ടത്ത് പൂത്തല്ലോ മന്ദാരം
(കളിവാക്കു... )
കണ്ണിൽ പ്രേമത്തിൻ കനകവിളക്കുകൾ
കത്തിച്ചു വെച്ചവനാരാണ് - പെണ്ണേ
കത്തിച്ചു വെച്ചവനാരാണ്
(കളിവാക്കു... )
കാണാത്ത നേരത്ത് കരളിന്റെ മാറത്ത്
പാടുന്ന പൈങ്കിളി ഏതാണു പെണ്ണേ
പാടുന്ന പൈങ്കിളി ഏതാണ്
കാട്ടിൽ തേയില നുള്ളിയ പൈങ്കിളി
കാര്യം നടത്തുന്ന പെണ്ണാണ് (2)- ഇന്ന്
കാര്യം നടത്തുന്ന പെണ്ണാണ്
കാണാൻ എത്തിയ മേലാളൻ വന്നിട്ട്
കാതിൽ പറഞ്ഞതിന്നെന്താണ് - നിന്റെ
കാതിൽ പറഞ്ഞതിന്നെന്താണ്
കളിവാക്കു ചൊല്ലുമ്പോൾ കണ്ണാടിക്കവിളത്ത്
കാണുന്നതെന്തേ സിന്ദൂരം- പെണ്ണേ
കാണുന്നതെന്തേ സിന്ദൂരം
പണ്ടത്തെ പാട്ടുകൾ കേൾക്കുമ്പോൾ
പെണ്ണിന്റെ ചുണ്ടത്ത് പൂത്തല്ലോ മന്ദാരം - പെണ്ണേ
ചുണ്ടത്ത് പൂത്തല്ലോ മന്ദാരം