യമുനാതീരവിഹാരീ

യമുനാ - യമുനാ തീരവിഹാരീ..
യമുനാതീരവിഹാരീ - നിന്നുടെ
പ്രിയദർശിനിയാം രാധിക ഞാൻ
യമുനാ തീരവിഹാരീ.. 

എവിടെയൊളിച്ചു കളിപ്പൂ നീ
എവിടെയൊളിച്ചു കളിപ്പൂ നീയെൻ
വിജനകുടീരം കാണ്മീലേ 
വിജനകുടീരം കാണ്മീലേ 
യമുനാ - യമുനാ തീരവിഹാരീ..

കുയിലുകൾ മധുരം പാടുമ്പോൾ നിൻ
കുഴലൊച്ചയിതെന്നോർക്കും ഞാൻ 
മയിലുകൾ പീലി നിവർത്തുമ്പോളെൻ
മരതകവർണ്ണനേയോർക്കും ഞാൻ 
യമുനാ - യമുനാ തീരവിഹാരീ..

കിളികൾ കളമൊഴി തൂകുമ്പോൾ നിൻ
കളിവാക്കുകളെന്നോർക്കും ഞാൻ 
കുളിർക്കാറ്റലസം തഴുകുമ്പോൾ നിൻ
മൃദുകരലാളനമോർക്കും ഞാൻ 

യമുനാ - യമുനാ തീരവിഹാരീ നിന്നുടെ
പ്രിയദർശിനിയാം രാധിക ഞാൻ
യമുനാ - തീരവിഹാരീ..