ആയിരം സൂര്യാഗ്നിപുഷ്പങ്ങൾ

 

ആയിരം സൂര്യാഗ്നിപുഷ്പങ്ങൾ ചൂടി
ആകാശം വാഴുന്ന തമ്പുരാനേ
താമരപ്പൂക്കൾ നീ തന്നു സ്നേഹത്തിൻ
താമരപ്പൂക്കൾ നീ തന്നു

നൊമ്പരം കൊള്ളുമീ പാഴ് മുളം തണ്ടിനെ
നിൻ പ്രിയ വേണുവായ് മാറ്റൂ
നിൻ കളിവീട്ടിലെ പൊന്നഴിക്കൂട്ടിലെ
കൊഞ്ചും കിളികൾ ഞങ്ങൾ
(ആയിരം....)

നിൻ സർഗ്ഗഗീതമാം സാഗരം പോറ്റുന്ന
സ്വർണ്ണമത്സ്യങ്ങൾ ഞങ്ങൾ
നിത്യപ്രകാശമേ നീ കോർത്തിണക്കുന്ന
മുത്തുമണികൾ ഞങ്ങൾ
(ആയിരം...)