ശബരീഷ് വർമ്മ

Shabareesh Varma
എഴുതിയ ഗാനങ്ങൾ: 47
സംഗീതം നല്കിയ ഗാനങ്ങൾ: 2
ആലപിച്ച ഗാനങ്ങൾ: 20
സംഭാഷണം: 1

ഗായകനും, ഗാനരചയിതാവും അഭിനേതാവുമായ ശബരീഷ് വർമ്മ. 2013 ലെ ഏറെ ജനശ്രദ്ധയാകർഷിച്ച 'നേരം' സിനിമയിലെ പിസ്ത സുമാക്കിറ ഗാനം ശബരീഷായിരുന്നു ആലപിച്ചത്. നടൻ ജഗതി ശ്രീകുമാറിന്റെ പിസ്ത സുമാക്കിറ വരികളിൽ ചില വരികൾ പുതിയതായി ശബരീഷ് കൂട്ടിച്ചേർത്തിരുന്നു. ശബരീഷിന്റെ ആദ്യ ഗാനം യുവാക്കളുടെ ഇടയിൽ ഹരമായി മാറി. നേരം സിനിമയുടെ തമിഴിൽ ശബരീഷ് ഒരു വേഷവും ചെയ്തിരുന്നു. നേരത്തിനു ശേഷം അർജുൻ ബെൻ സംവിധാനം ചെയ്ത ഹ്രസ്വ ചിത്രമായ കട്ടൻ കാപ്പിയിൽ ശബരീഷ് ഗാനരചന നിർവ്വഹിച്ചിരുന്നു. ചെന്നയിൽ സൗണ്ട് എൻജിനീയറിംഗ് പാസായ ശേഷം ശബരീഷ്  ‘Vinnaithaandi Varuvaayaa’,  ‘Ye Maaya Chesave’, ‘Nadunisi Naaygal’, ‘Pizza’, ‘Soodhu Kavvum’, ‘Pizza II:Villa', ‘Jigarthanda' എന്നീ ചിത്രങ്ങൾക്ക് സൗണ്ട് റക്കോർഡിസ്റ്റായി ജോലി ചെയ്തു. അൽഫോണ്‍സ്‌ പുത്തരന്റെ രണ്ടാമത്തെ ചിത്രമായ 'പ്രേമം' എന്ന ചിത്രത്തിലും ശബരീഷ് രചിക്കയും ആലപിക്കയും ചെയ്ത ഗാനങ്ങൾ ഉണ്ട്. കൂടാതെ ചിത്രത്തിൽ അഭിനയിക്കയും ചെയ്തു. എഴുത്തുകാരനായ പി കെ നന്ദനവർമ്മയുടെ മകനാണ് ശബരീഷ് വർമ്മ. അമ്മ വയലിനിസ്റ്റ് സുലേഖ വർമ്മ. സിനിമ പ്രൊമോഷൻ രംഗത്ത് ജോലി ചെയ്യുന്ന  സന്ദീപ്‌ വർമ്മ ശബരീഷിന്റെ സഹോദരനാണ്.

ഫേസ്ബുക്ക് പേജ്