ജനുവരിരാവിൽ

ജനുവരി രാവിൽ എൻ മലർ വനിയിൽ
വിടരൂ  സോമലതേ
പുൽകി പടരൂ പ്രേമലതേ  (2)
 
നവരാത്രി ലില്ലികൾ
മുഖം പൊത്തി നിൽക്കുന്ന
ലാവണ്യ നവരംഗനടയിൽ
ഏകദീപികയെന്ന പോൽ തെളിയൂ
എനിക്കായ് പ്രഭ ചൊരിയൂ
ഒരു നിശ്ശബ്ദ സ്മരണയായെന്നും
ഓമനിക്കാൻ എനിക്കോമനിക്കാൻ (ജനുവരി..)
 
 
മദനവികാരങ്ങൾ
മദം പൊട്ടിയുണരുമെൻ മനസ്സിലെ
മലർമെത്ത വിരിയിൻ
രാഗമാലിക തെന്നലായൊഴുകൂ
രാവിന്റെ താളമാകൂ
ഒരു വസന്ത സ്മരണയായെന്നും
ഓമനിക്കാൻ എനിക്കോമനിക്കാൻ (ജനുവരി..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
January Ravil

Additional Info

അനുബന്ധവർത്തമാനം