ഉമ്മിണി ഉമ്മിണി ഉയരത്ത്

ഉമ്മിണി ഉമ്മിണി ഉയരത്ത്
അമ്പിളി വീട്ടിന്നയലത്ത്
പാദുഷാ ഞാൻ കെട്ടി നല്ലൊരു
പവിഴക്കൊട്ടാരം - നല്ലൊരു
പവിഴക്കൊട്ടാരം
(ഉമ്മിണി... )

മതിലുകളെല്ലാം മാണിക്യം
വാതിലെല്ലാം വൈഡൂര്യം
മുത്തു പതിച്ചൊരു മട്ടുപ്പാവിൽ
ഒത്തിരിയൊത്തിരി ഹൂറികളും 
(ഉമ്മിണി... )

സുന്ദരിമാരാം ഹൂറികളോ
പൊന്മണി വിശറികൾ വീശുന്നു
നവരത്നത്തിൻ മണിമഞ്ചത്തിൽ
നമ്മുടെ റാണി കിടക്കുന്നു 

മജീദു സുൽത്താൻ വരുമപ്പോൾ
സുഹറാറാണി എഴുന്നേൽക്കും
നഖമില്ലാത്തൊരു കൈയ്യു പിടിച്ചു
നല്ലൊരു മുത്തം നൽകീടും 
നല്ലൊരു മുത്തം നൽകീടും 
(ഉമ്മിണി... )

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ummini ummini uyarathu

Additional Info

Year: 
1967

അനുബന്ധവർത്തമാനം