കായൽത്തിരകളേ

 

കായൽത്തിരകളേ കൈനീട്ടിക്കൈനീട്ടി
പായുവതെവിടേയ്ക്കോ
കാതരയാകും തീരഭൂമിയെ
കൈതപ്പൂ ചാർത്തുവാനോ
(കായൽത്തിരകളേ...)

കാറ്റും കിളിയും പൂമരവും ഒരേ
പാട്ടു മൂളുന്നു ഒരേ
പാട്ടു മൂളുന്നു
കാത്തിരിപ്പിൻ മൗനം പൊട്ടി
പൂക്കൾ ചിതറുന്നൂ
(കായൽത്തിരകളേ...)

പട്ടും വളയും പൂങ്കുടയും ഇതാ
കാഴ്ച വെയ്ക്കുന്നു ഇതാ
കാഴ്ച വെയ്ക്കുന്നു
എറ്റു വാങ്ങാനേതോ കൈകൾ
നീട്ടിയണയുന്നു
(കായൽത്തിരകളേ...)