ആലിലമേൽ അരയാലിലമേൽ

 

ആലിലമേൽ അരയാലിലമേൽ
ആടിക്കാർവർണ്ണൻ മയങ്ങുമ്പോൾ
രാരീരം പാടുന്ന കാറ്റേ നീ എന്റെ
മാറിലെ മുത്തിനായൊന്നു പാട്
രാരീരം രാരീരം രാരീരം

പാലൊത്ത താമരപ്പൂവിരിയും
പാൽക്കടലിൻ തിരച്ചാർത്തിലൂടെ
പാട്ടിന്റെ മുത്തണിത്തോണി തുഴയുന്ന
കാറ്റേ രാരീരം പാടി വാ വാ

ആരിതെന്നോമനത്തിങ്കളല്ലേ
ആ തിങ്കൾ പോറ്റുന്ന പൊന്മാനല്ലേ
കാട്ടിലെ കാർകുയില്‍പ്പാട്ടിലലിയുന്ന
കാറ്റേ രാരീരം പാടി വാ വാ