അമ്പരത്തീ ചെമ്പരത്തി

അമ്പരത്തീ ചെമ്പരത്തീ
ചെമ്പൂക്കാവിലെ രാജാത്തീ
പാദം മുതൽ കൂന്തൽ വരെ
ആരിത്ര പൂ നിന്നെ ചൂടിച്ചൂ (അമ്പരത്തീ..)

തൃപ്പൂണിത്തുറയിലെയത്തച്ചമയം
തൃക്കൺ പാർത്തു വന്ന കാറ്റോ ഇളം കാറ്റോ
ചിത്രക്കളത്തിൽ പൂക്കളത്തിൽ നിന്റെ
ചിരി കണ്ടു മയങ്ങിയ പൊൻവെയിലോ
പൊൻവെയിലോ (അമ്പരത്തീ..)

കാളിന്ദിപ്പുഴയിലെ രാസക്രീഡകൾ
കാണാൻ പോയി വന്ന കുളിരോ ഇളംകുളിരോ
മുത്തുക്കുടങ്ങൾ തേൻകുടങ്ങൾ കണ്ട്
മതിമറന്നിരുന്നൊരു പൂത്തുമ്പിയോ
പൂത്തുമ്പിയോ (അമ്പരത്തീ..)