മദനപഞ്ചമി

മദനപഞ്ചമി മധുരപഞ്ചമി - ഇന്ന്
മണിയിലഞ്ഞിപൂക്കളിൽ മദജലം നിറയും
മിഥുനപഞ്ചമി (മദന...)

മാനത്തെ അപ്സരസ്ത്രീകൾക്കിന്ന്
മദിരോത്സവം
അവരുടെ പൂഞ്ചൊടിയിൽ മന്ദഹാസം
ആലിലക്കുമ്പിളിൽ സോമരസം
പ്രാണനാഥൻ നൽകിയ
പരമാനന്ദത്തിൻ പാരവശ്യം
ദാഹം - ദാഹം ആകെ
തളരുന്ന പ്രേമദാഹം (മദന..)

മണ്ണിലെ സൌന്ദര്യവതികൾ -
ക്കിന്ന് മദനോത്സവം
അവരുടെ പൂവുടലിൽ പുരുഷഗന്ധം
അഞ്ജനകൺകളിൽ സ്വപ്നസുഖം
പ്രേമലോലൻ ചാർത്തിയ പരിരംഭണത്തിൻ
പ്രാണഹർഷം
ദാഹം - ദാഹം ആകെ
തളരുന്ന പ്രേമദാഹം (മദന..)