ഹിമവാഹിനീ ഹൃദയഹാരിണീ (F )

ഹിമവാഹിനീ ഹൃദയഹാരിണീ
ഈറക്കുഴലുമായ് ഇവിടെ വരാറുള്ളോ-
രിടയനെ ഓർമ്മയുണ്ടോ (ഹിമ...)

നിന്റെ കടവിലെ കുളിർ കല്പടവിലെ
നീലക്കുടക്കീഴിൽ (2) - പണ്ട്
ഞങ്ങളിരുവരുമൊന്നിച്ചിരുന്നൊരു
സങ്കല്പ മണിയറ തീർത്തു (2)
സങ്കല്പ മണിയറ തീർത്തൂ
ആ...ആ‍..ആ‍.....(ഹിമ..)

എന്റെ കൈയ്യിലെ മെഴുകുവിളക്കിലെ
ഏകാന്ത നാളവുമായ് (2) - എന്റെ
സ്വർഗ്ഗദൂതൻ തിരിച്ചു വരും വരെ
സ്വപ്നങ്ങൾ കൊണ്ടു നിറയ്ക്കും (2)
സങ്കല്പ മണിയറ നിറയ്ക്കും
ആ...ആ‍..ആ‍.....(ഹിമ..)