കാമുകഹൃത്തിൽ കവിത
കാമുകഹൃത്തിൽ കവിത പുരട്ടും
കാനനമുല്ലകൾ പൂത്തല്ലോ
മാദകസൗരഭ സാന്ദ്രസമീരണൻ
ആടിയുലാവിലണഞ്ഞല്ലോ
കാമുകഹൃത്തിൽ കവിത പുരട്ടും
കാനനമുല്ലകൾ പൂത്തല്ലോ
പ്രേമദലോല വികാരവികസ്വര
കാമദസുസ്മിത രുചി വിതറി
ചേലിലൊരപ്സര കന്യകയെപ്പോൽ
ശാരദരാവുമണഞ്ഞല്ലോ അണഞ്ഞല്ലോ
കേളീലോലുപ മാനസരാകും
കോമള കാനനദേവതകൾ
ലീലാലാസ്യ വിലാസോന്മദമാർ-
ന്നാനന്ദോത്സവമാടുമ്പോൾ
മദഭരിതോജ്ജ്വലരാഗതരംഗിത
മുരളീഗാനം ഉതിർക്കാതെ
അഴലിൻ നീലിമ മൂടിയ മുഖമാർ-
ന്നലയുവതെന്താണജപാലൻ അജപാലൻ
കാമുകഹൃത്തിൽ കവിത പുരട്ടും
കാനനമുല്ലകൾ പൂത്തല്ലോ
മാദകസൗരഭ സാന്ദ്രസമീരണൻ
ആടിയുലാവിലണഞ്ഞല്ലോ
കാമുകഹൃത്തിൽ കവിത പുരട്ടും
കാനനമുല്ലകൾ പൂത്തല്ലോ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Kamukahrithil
Additional Info
ഗാനശാഖ: