എന്റെ സ്വപ്നവീണയിലെന്നുമൊരേ ഗാനം

എന്റെ സ്വപ്നവീണയിലെന്നുമൊരേ ഗാനം
എന്റെ സ്വര്‍ഗ്ഗസീമയിലെന്നുമൊരേ താളം
ഹൃദയദേവതേ എനിക്കു നീ മാത്രം
എന്റെ സ്വപ്നവീണയിലെന്നുമൊരേ ഗാനം
എന്റെ സ്വര്‍ഗ്ഗസീമയിലെന്നുമൊരേ താളം

കഥപറയും കണ്ണുകളിലൊരിന്ദ്രജാലം - നിന്റെ
കവിതയൂറും ചുണ്ടിണയില്‍ പുഷ്യരാഗം
കദളിപ്പൂങ്കവിളിതളില്‍ കാമന്റെ കളിയരങ്ങില്‍
കളിയാടും നാണത്തിന്‍ കതിരൊളികള്‍
സിന്ദൂരക്കതിര്‍മണികള്‍
എന്റെ സ്വപ്നവീണയിലെന്നുമൊരേ ഗാനം
എന്റെ സ്വര്‍ഗ്ഗസീമയിലെന്നുമൊരേ താളം

അകതാരില്‍ ആനന്ദപ്രണയനൈവേദ്യം - നിന്റെ
അനുഭൂതികള്‍ താളമിടും പഞ്ചവാദ്യം
മനസ്സിന്റെ താഴ്വരയില്‍ അനുരാഗമധുവനിയില്‍
മലരിട്ടു നില്‍ക്കുന്ന മല്ലികേ എന്റെ മോഹമല്ലികേ

എന്റെ സ്വപ്നവീണയിലെന്നുമൊരേ ഗാനം
എന്റെ സ്വര്‍ഗ്ഗസീമയിലെന്നുമൊരേ താളം
ഹൃദയദേവതേ എനിക്കു നീ മാത്രം
എനിക്കു നീ മാത്രം എനിക്കു നീ മാത്രം

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ente swapna veenayil

Additional Info

Year: 
1981

അനുബന്ധവർത്തമാനം