ഇന്നെന്റെ കരളിലെ

ഇന്നെന്റെ കരളിലെ പൊന്നണിപ്പാടത്തൊരു 
പുന്നാരപ്പനംതത്ത പറന്നു വന്നു - ഒരു 
പഞ്ചാരപ്പനംതത്ത പറന്നു വന്നു 
(ഇന്നെന്റെ...  )

പാടാത്ത പാട്ടില്ല പറയാത്ത കഥയില്ല 
ഓടക്കുഴലും കൊണ്ടോടിവന്നു (2) - എന്നെ 
തേടിക്കൊണ്ടെന്റെ മുന്നിലോടിവന്നു (2)
(ഇന്നെന്റെ...  )

പുത്തനാം കിനാവുകള്‍ പൂങ്കതിരണിഞ്ഞപ്പോള്‍ 
തത്തമ്മയ്ക്കതു ഞാനും കാഴ്ച വച്ചു (2) - എന്റെ 
തത്തമ്മയ്ക്കതു ഞാനും കാഴ്ച വച്ചു 

കതിരൊക്കെ കിളി തിന്നാല്‍ 
പതിരൊക്കെ ഞാന്‍ തിന്നാല്‍ 
മതിയെന്റെ ഖല്‍ബിലപ്പോള്‍ ആനന്ദം (2) - അതു
മതിയെന്റെ ഖല്‍ബിലപ്പോള്‍ ആനന്ദം

ഇന്നെന്റെ കരളിലെ പൊന്നണിപ്പാടത്തൊരു 
പുന്നാരപ്പനംതത്ത പറന്നു വന്നു - ഒരു 
പഞ്ചാരപ്പനംതത്ത പറന്നു വന്നു 

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
3
Average: 3 (2 votes)
Innente karalile

Additional Info

അനുബന്ധവർത്തമാനം