കുടിലകുന്തളക്കെട്ടിൽ

കുടിലകുന്തളക്കെട്ടിൽ കുടമുല്ലപ്പൂവു ചൂടി
കുറുനിര കുളിർക്കാറ്റിലിളകിയാടി
ഇടയ്ക്കിടെ കരംകൊണ്ട് പുടവത്തുമ്പിലും തട്ടി 
വിടരും പുഞ്ചിരി ചുണ്ടിൽ തുടച്ചു മാറ്റി 

കടക്കണ്ണെറിഞ്ഞു കടിഞ്ഞാണഴിഞ്ഞു പോയ
പടക്കുതിരയെപ്പോലെ നടക്കുന്നോളേ
കൊടുക്കുമോ - നീ കൊടുക്കുമോ 
നിന്റെ മണിച്ചുണ്ടിൽ വിരിയുന്ന 
മലർച്ചെണ്ടിലൊഴുകുന്ന മധുരത്തേനെനിക്കല്പം 
കൊടുക്കുമോ നീ

തണുത്ത നിൻ കവിൾത്തടപ്പളുങ്കു കിണ്ണത്തിലാരു തളിച്ചു
ചെമ്മുന്തിരിച്ചാർ സുന്ദരിപ്പെണ്ണേ
പൂവമ്പൻ മാറി  മാറി മാറിലെന്നിൽ തൊടുക്കുന്ന
കൂരമ്പു കൊണ്ടു കൊണ്ടു മരിക്കും മുമ്പേ - ഞാൻ
മരിക്കും മുമ്പേ
നടക്കുമോ - അതു നടക്കുമോ
നാലു കരക്കാർ അറിഞ്ഞു നിന്റെ കഴുത്തിൽ കല്യാണമാല
കരം കൊണ്ടിടുന്ന കാര്യം നടക്കുമോ

കുടിലകുന്തളക്കെട്ടിൽ കുടമുല്ലപ്പൂവു ചൂടി
കുറുനിര കുളിർക്കാറ്റിലിളകിയാടി
ഇടയ്ക്കിടെ കരംകൊണ്ട് പുടവത്തുമ്പിലും തട്ടി 
വിടരും പുഞ്ചിരി ചുണ്ടിൽ തുടച്ചു മാറ്റി 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kudila kunthalakkettil

Additional Info

Year: 
1970

അനുബന്ധവർത്തമാനം