ഉടലുകളറിയാതുയിരുകള്‍ രണ്ടും

ഉടലുകളറിയാതുയിരുകള്‍ രണ്ടും
കഥപറയാന്‍ പോയീ - ഏതോ
കഥപറയാന്‍ പോയീ
(ഉടലുകള്‍...  )

വസന്തസുന്ദര വനവീഥികളില്‍ 
മലരുകള്‍ നുള്ളാന്‍ പോയ് - അഴകിൻ
മധുവുണ്ണാൻ പോയ്  
(വസന്ത.. )

പറയാനുള്ള രഹസ്യം പറയാന്‍
പവിഴച്ചുണ്ടിനു മോഹം (2)
അധരം വിട്ടു കടക്കാന്‍ വാക്കാം
അരയന്നത്തിനു നാണം (2)

ഉടലുകളറിയാതുയിരുകള്‍ രണ്ടും
കഥപറയാന്‍ പോയീ - ഏതോ
കഥപറയാന്‍ പോയീ

പ്രണയക്കടലിന്നക്കരെയുള്ളൊരു
കനകദ്വീപില്‍ ചെന്നു (2)
പുഷ്പം മൂടിയ ചന്ദനവനിയില്‍
സ്വപ്നം കണ്ടു നടന്നൂ 
പുഷ്പം മൂടിയ ചന്ദനവനിയില്‍
സ്വപ്നം കണ്ടു നടന്നൂ  - അവര്‍
സ്വപ്നം കണ്ടു നടന്നൂ

ഉടലുകളറിയാതുയിരുകള്‍ രണ്ടും
കഥപറയാന്‍ പോയീ - ഏതോ
കഥപറയാന്‍ പോയീ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Udalukalariyaathe

Additional Info

Year: 
1966

അനുബന്ധവർത്തമാനം