പൂമരക്കൊമ്പത്തു
പൂമരക്കൊമ്പത്തു പൊന്‍പുലര്‍കാലത്തു
പൊട്ടിവിടര്‍ന്നെഴും പൂക്കളേ
പൊട്ടിവിടര്‍ന്നെഴും പൂക്കളേ
(പൂമരക്കൊമ്പത്തു. . . )
ഈമണ്ണില്‍ ഞെട്ടറ്റു വീണുപോയ് ഹാ നിങ്ങള്‍
ഇന്നെനിക്കൊപ്പമായ് തീര്‍ന്നല്ലൊ
എന്നുയിര്‍ പോറ്റുവാന്‍ പോന്നല്ലോ
പുതുമഞ്ഞില്‍ നീരാടി പുതുമകളില്‍ മിഴിമൂടി
പുലര്‍കാറ്റില്‍ ചാഞ്ചാടി പോന്നു നാം (2)
ഉലകിന്റെ മറിമായമറിയാതെയാവിണ്ണില്‍
ഉയരുവാന്‍ കൌതുകമാര്‍ന്നു നാം
(പൂമരക്കൊമ്പത്തു. . . )
നിലതെറ്റി വീണുപോയെന്നാലും നിങ്ങളീ -
നിലയിലും ധന്യരായ് തീരുന്നു
ദേവന്റെ പാദത്തില്‍ സേവനം തേടുവാന്‍
ആ വിരിമാറത്തു ചേരുന്നു
അഴകിന്റെ റാണിമാര്‍ നിങ്ങളാ മൌലിയില്‍
അണയുമ്പോള്‍ ദൂരെയീത്തോഴിതന്‍
അഴലൊന്നു മാറ്റുവാന്‍ വഴിയെന്ന ദേവനോ-
ടര്‍ത്ഥിയ്ക്കുകില്ലയോ പൂക്കളേ
അര്‍ത്ഥിയ്ക്കുകില്ലയോ പൂക്കളേ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Poomarakombathu
Additional Info
Year:
1955
ഗാനശാഖ: