ഇന്നലെയമ്പലമുറ്റത്തിരുന്നു ഞാൻ

ഇന്നലെയമ്പല മുറ്റത്തിരുന്നു ഞാൻ 
കണ്ണുനീർ തൂകുകയായിരുന്നു 
കഥകളി കണ്ടില്ല കച്ചേരി കേട്ടില്ല 
കരിമരുന്നൊന്നും ഞാൻ കണ്ടില്ല 
(ഇന്നലെ.. ) 

അരയന്നം വന്നിട്ടും ദമയന്തി വന്നിട്ടും 
കരളിൽ ഒരു ഈർച്ചവാളായിരുന്നു 
അരമതിൽ ചാരിക്കൊണ്ടറിയാത്ത ഭാവത്തിൽ 
അകലെ വന്നദ്ദേഹം നോക്കി നിന്നു 
(ഇന്നലെ.. ) 

വരുമെന്നോർത്തു ഞാൻ വന്നിങ്ങടുത്തിരു- 
ന്നൊരു വാക്കു ചൊല്ലുമെന്നൊർത്തു ഞാൻ 
എണ്ണയില്ലാത്ത കരിന്തിരിക്കൈയ്യുമായ്‌ 
എൻ മുന്നിൽ നിന്നു വിളക്കു മാടം 
(ഇന്നലെ.. )

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Innale ambalamuttathirunnu

Additional Info

അനുബന്ധവർത്തമാനം