അമ്പാടിപ്പൈതലേ

അമ്പാടിപ്പൈതലേ അൻപിന്റെ കാതലേ
കാരുണ്യം പെയ്യുന്ന കാർമുകിലേ
അമ്പാടിപ്പൈതലേ

കരളാകും അവിൽപ്പൊതി
കാൽത്തളിരിണയിൽ 
കാണിക്ക വെക്കാം ഞാൻ കണ്ണാ
നീയതു നുകരുകിൽ സഫലം ജന്മം
നീലക്കാർമുകിൽവർണ്ണാ കണ്ണാ  (അമ്പാടി..)
 
എന്നുള്ളിലുയരുന്ന പാപങ്ങൾ ഹനിക്കുവാൻ
എഴുന്നള്ളൂ നീ ചക്രധാരീ 
കായാമ്പൂ വർണ്ണാ നിൻ
കരുണ തൻ കണികയ്ക്കായ്
കാത്തിരുപ്പാണീ ചകോരീ കണ്ണാ (അമ്പാടി..)