ശ്രീനഗരത്തിലെ ചിത്രവനത്തിലെ

ശ്രീനഗരത്തിലെ ചിത്രവനത്തിലെ 
ശിശിര മനോഹര ചന്ദ്രികേ
നിന്റെ കനകവിമാനത്തില്‍ ഞാനൊരു
വര്‍ണ്ണഭൃംഗമായ് പറന്നോട്ടേ
(ശ്രീനഗരത്തിലെ..)

സസ്യ ശ്യാമള കോമളമാകും
സഹ്യന്റെ താഴ്വരയില്‍ 
നീ ചെന്നിറങ്ങുമ്പോള്‍ - നീലപ്പൂങ്കാവുകള്‍
നിന്നേ പുണരുമ്പോള്‍
ആകെ തുടുക്കുമെന്‍ മലയാളത്തിന്റെ 
അഴകൊന്നു കണ്ടോട്ടേ
(ശ്രീനഗരത്തിലെ..)

ചങ്ങമ്പുഴയുടെ കവിതകള്‍ പാടും 
ശൃംഗാരപ്പുഴക്കടവില്‍
നീരാട്ടിനിറങ്ങുമ്പോള്‍ നൂറുനൂറോളങ്ങള്‍
നിന്നേ പൊതിയുമ്പോള്‍
കോരിത്തരിക്കുമെന്‍ മലയാളത്തിന്റെ 
കുളിരില്‍ ഞാനലിഞ്ഞോട്ടെ
(ശ്രീനഗരത്തിലെ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
5
Average: 5 (1 vote)
Sreenagarathile

Additional Info

അനുബന്ധവർത്തമാനം