തേനുള്ള പൂവിന്റെ നെഞ്ചം(f)

തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം
കുളിരേന്തി നിൽക്കുന്ന രാവും
കുടമുല്ല ചൂടും നിലാവും
വീരന്നു നേദിച്ചു ഞാനെൻ
വിടരുന്ന വർണ്ണക്കിനാക്കൾ
തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം

കടമിഴിയിൽ കവിതയുമായി ഞാനും
ഒളിയുണരും ചൊടികളുമായി നീയും
തരിവളകൾ കിളിമൊഴിയിൽ പാടി
കവിളിണയിൽ കളഭകണം ചൂടി
കളയരുതിനി സമയം തിരുമധുരം നുകരു
മതിവരെ നിൻ പ്രണയം മനമലരിൽ പകരു

തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം
വീരന്നു നേദിച്ചു ഞാനെൻ
വിടരുന്ന വർണ്ണക്കിനാക്കൾ
തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം

കനവുണരും നിമിഷമിതാ വന്നു
കരളിതളിൽ രതിമധുരം തന്നു
വിരിമാറിൽ വീണലിയാൻ ദാഹം
തിരകരയിൽ പൂണലിയാൻ മോഹം
കഥ പറയും മിഴിയും അഴലകലും മൊഴിയും
ചൊടിമലരിൽ വിരിയും
ലഹരിയിൽ വീണലിയൂ

തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം
കുളിരേന്തി നിൽക്കുന്ന രാവും
കുടമുല്ല ചൂടും നിലാവും
വീരന്നു നേദിച്ചു ഞാനെൻ
വിടരുന്ന വർണ്ണക്കിനാക്കൾ
തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
thenulla poovinte

Additional Info

Year: 
2002
Lyrics Genre: 

അനുബന്ധവർത്തമാനം