തുയിലുണരൂ...

തുയിലുണരൂ തേവരേ...
തൃപ്പൂണിത്തുറത്തേവരേ....
അഴലാർന്ന ഹൃദയത്തിൻ അഷ്ടപദിയുമായ്
അരികിലിതാ കാത്തു നിൽപ്പൂ, നിന്റെ
അലിവിനായ് ഞാൻ കാത്തു നിൽപ്പൂ
 
എന്തുതരാനിവൻ ഉള്ളതീയീയുള്ളിലായ്
ഉള്ളൊരീ ഗാനമല്ലാതെയൊന്നും
നേദിക്കുവാനുള്ളിൽ പള്ളികൊള്ളും നിന-
ക്കീയശ്രുപൂക്കളല്ലാതെയൊന്നും
സ്വീകരിക്കൂ, ഹരേ, സ്വീകരിക്കൂ
അടിയനേകും ഉപഹാരം
 
വേദാന്ത സാരമേ നിൻ കടൽത്തീരത്തു
വേദനയോടെ ഞാൻ വന്നു നിൽപ്പൂ
പൂമകൾ മെല്ലെത്തലോടുമാ പൂവുടൽ
ചേർത്തു നീയെൻ വ്യഥതീർത്തുനൽകൂ
അനുഗ്രഹിക്കൂ സ്വാമീ അനുഗ്രഹിക്കൂ
എന്നെ നിൻ ഗായകനാക്കൂ