ഓർശലേമിൻ നായകാ

ഓർശലേമിൻ നായകാ ജീവനായകാ
വേദഗ്രന്ഥത്തിൽ ഇതൾ വിരിയും
വെറോണിക്കായുടെ രോമഹർഷം
എന്റെ ആത്മാവിൻ പട്ടുതൂവാലയിൽ
തിരുമുഖഛായ പതിച്ചൂ
തിരുമുഖഛായ പതിച്ചൂ (ഓർശലേമിൻ)

യോർദ്ദാന്റെ കരയിലും ഗലീലിയാ കടലിലും (2)
നിന്നെ തിരഞ്ഞു ഞാൻ വന്നൂ (2)
നിൻ മുഖമൊന്നു കാണാൻ സ്വരമൊന്നു കേൾക്കാൻ
കുരിശിന്റെ വഴിയിൽ ഞാൻ നിന്നൂ (2) (കുരിശിന്റെ)

കാൽവരിക്കുന്നിലും ഗത്സെമിനിയിലും (2)
നിന്നെ തിരഞ്ഞു ഞാൻ വന്നൂ(2)
നിൻ മുറിവിൽ തലോടാൻ തൈലം പുരട്ടാൻ
ഒരു നോവിൻ പിണരായ് ഞാൻ നിന്നൂ (2)  (ഓർശലേമിൻ)