പൂമരങ്ങള്‍ പീലിവീശി

പൂമരങ്ങള്‍ പീലിവീശി മാടിവിളിയ്ക്കുന്നു
കന്നിമാനം കണ്ണുചിമ്മി പുഞ്ചിരി തൂകുന്നു
കിനാവിന്‍റെ  നിഴല്‍‌പോലെ മനസ്സിന്‍ ദാഹം
ഭൂമിയില്‍ സ്വര്‍ഗ്ഗം തേടുമ്പോള്‍  (പൂമരങ്ങള്‍ )
 
ഇതല്ലേ മമ്മീ ആ സ്വര്‍ഗ്ഗം?
ഇതല്ലേ ഡാഡീ ആ സ്വര്‍ഗ്ഗം?
 
നെഞ്ചിനുള്ളിലൊരോമനക്കിളി കൊഞ്ചിവന്നൊരു നാള്‍
മോഹവല്ലിയിലായിരം പുതുപൂക്കള്‍ വിരിഞ്ഞു
പൂക്കളിലിത്തിരി തേന്‍ പകരുന്നത് നീയല്ലയോ
ലല ലല ലല ലല ഞാനല്ലയോ (പൂമരങ്ങള്‍ )
 
നൊമ്പരങ്ങളിലോമലിന്‍ ചിരി മഞ്ഞുതുള്ളികളായ്
സ്നേഹമാലികപോലൊരമ്പിളിയെന്നില്‍ തെളിഞ്ഞു
ജീവനിലമ്പിളിയായ് തെളിയുന്നത് നീയല്ലയോ
ലല ലല ലല ലല ഞാനല്ലയോ (പൂമരങ്ങള്‍ )