തൂവെണ്ണിലാവോ

തൂവെണ്ണിലാവോ പുതുപൂന്തേൻ കിനാവോ
 ഋതുകന്യകയോ വനദേവതയോ 
ഈ സ്നേഹസാഗരമോ ആരേകി പ്രാണനിൽ അനുരാഗഗീതം  (തൂവെണ്ണിലാവോ)
 
കാണാൻ വിതുമ്മി നിന്നൂ 
തേൻ നിലവും നീലാമ്പലും  (കാണാൻ) കണ്ണോടു കണ്ണിടയുമ്പൊളോ 
മധുബിന്ദു വീണലിഞ്ഞൂ പൂവിന്റെ നെഞ്ചിലും കണ്ടൂ 
ആനന്ദമാധവം  (തൂവെണ്ണിലാവോ)
 
സീമന്തരേഖ തെളിയും 
ഈ സിന്ദൂരസന്ധ്യയിൽ (സീമന്ത)
 നുരയുന്നൊരീ മധുപാത്രമായ് 
ഹൃദയം തുളുമ്പി നിൽക്കുമ്പോൾ ആശംസ മാത്രമേകാം ഞാൻ 
വേറെന്തു നൽകുവാൻ  (തൂവെണ്ണിലാവോ)