ചെല്ലച്ചെറു കാറ്റു പോലെ ഞാൻ

 

ചെല്ലച്ചെറു കാറ്റു പോലെ ഞാൻ
മെല്ലെ തുള്ളിക്കുണുങ്ങി വരാം ഞാൻ ഒരുങ്ങി വരാം
മോഹിക്കും പെണ്ണഴകായ് നീ
മനസ്സിന്റെ മഞ്ചലിൽ ഞാൻ
ഒളിക്കാതെ കുളിർ തൂകി വരാം
മാനത്തു കാർമുകിലോ മയിലിന്റെ ചാഞ്ചാട്ടം
നീർത്തുള്ളി പെയ്യുന്നു പുണരുന്നു വേഴാമ്പൽ
നിന്നോർമ്മയിൽ എൻ മുഖമോ
മിന്നി മിന്നി താളമോടെ കണ്ണിൽ മറഞ്ഞൊളിച്ചല്ലോ
കൊഞ്ചും കളി പറഞ്ഞു നിൻ മനം കവരും

ഓളത്തിൽ കലി തുള്ളും തിരമാലയ്ക്കുള്ളിലോ
അറിയാതെൻ പൂമുഖം നിലാവായ് തെളിഞ്ഞിടും
കാമിനിയായ് ഞാൻ വന്നിടും
ചന്ദ്രക്കല തോണിയേറി മന്ദം മന്ദം തുഴഞ്ഞെത്തി
നമ്രമുഖിയായ് നിന്റെ മാറിലൊളിക്കും