പൊട്ടുകില്ലിനി ഞങ്ങളിലുള്ളൊരീ

 

പൊട്ടുകില്ലിനി ഞങ്ങളിലുള്ളൊരീ-
പ്രണയത്തിൻ ശൃംഖല 
നിർവൃതിതൻ അപാരതയുടെ
നിർമ്മല സ്വപ്നമേഖല
പൊട്ടുകില്ലിനി ഞങ്ങളിലുള്ളൊരീ-
പ്രണയത്തിൻ ശൃംഖല 

ആ മുരളീധരന്റെ ഉജ്ജ്വല
പ്രേമ വൃന്ദാവനികയിൽ
സ്വപ്നവും കാത്തിരുന്നിടുമൊരു
കൊച്ചു രാധയായ്ത്തീർന്നു ഞാൻ
പൊട്ടുകില്ലിനി ഞങ്ങളിലുള്ളൊരീ-
പ്രണയത്തിൻ ശൃംഖല 

അത്‌ഭുതമിന്നാ വേഴ്ച മൂലമൊ-
രപ്സരസ്സായി തീർന്നു ഞാൻ
എന്നെയും കൂടി വിസ്മരിച്ചിതാ
വിണ്ണിലേയ്ക്കുയരുന്നു ഞാൻ

പൊട്ടുകില്ലിനി ഞങ്ങളിലുള്ളൊരീ-
പ്രണയത്തിൻ ശൃംഖല 
നിർവൃതിതൻ അപാരതയുടെ
നിർമ്മല സ്വപ്നമേഖല
പൊട്ടുകില്ലിനി ഞങ്ങളിലുള്ളൊരീ-
പ്രണയത്തിൻ ശൃംഖല