പെരിയാറേ പെരിയാറേ

പെരിയാറേ ... പെരിയാറേ
കഥകള്‍ നീ പറഞ്ഞൂ - എത്ര
കഥകള്‍ നീ പറഞ്ഞൂ
വീണ്ടുമീ കദനത്തിന്‍ കഥയും
പറഞ്ഞുകൊണ്ടെങ്ങോട്ടു പായുന്നു നീ
എങ്ങോട്ടു പായുന്നു നീ
പെരിയാറേ .... പെരിയാറേ

മണ്ണിലേക്കൊരുതുള്ളി കണ്ണുനീരായ് വീണ
നിന്നാത്മനായകനെവിടേ
നിന്നാത്മനായകനെവിടെ
ആയിരമായിരം ദീപങ്ങള്‍ ചൂഴുന്ന
കല്യാണപ്പന്തലിലുണ്ടോ
കല്യാണപ്പന്തലിലുണ്ടോ
പെരിയാറേ ... പെരിയാറേ

കരകള്‍ പുളകത്തില്‍ മുങ്ങിച്ചിരിക്കുമ്പോള്‍
കരള്‍പൊട്ടിക്കരയുന്ന പെരിയാറേ
കരള്‍പൊട്ടിക്കരയുന്ന പെരിയാറേ
നിന്നന്തരംഗം അറിയും കടല്‍ മാത്രം
ഇന്നും വിളിക്കുന്നു നിന്നെ
ഇന്നും വിളിക്കുന്നു നിന്നെ
പെരിയാറേ ... പെരിയാറേ
പെരിയാറേ ... പെരിയാറേ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Periyaare

Additional Info

അനുബന്ധവർത്തമാനം