അധരം മധുചഷകം

അധരം മധുചഷകം
ഹൃദയം അമൃതകലശം
നയനം പുഷ്പബാണം - സഖീ
നീയൊരു പ്രേമകാവ്യം
അധരം മധുചഷകം

പ്രേമലോലയായ് നീ പകര്‍ന്നീടും
രാഗസുധാരസലഹരിയില്‍
നിരര്‍ത്ഥമാകുന്നു വാക്കുകളെല്ലാം
വാചാലമാകുന്നു - മൗനം
വാചാലമാകുന്നു മൗനം
അധരം മധുചഷകം

ഈ മൃദുപാണികള്‍ താമരവളയങ്ങള്‍ ആ..
ഈ മൃദുപാണികള്‍ താമരവളയങ്ങള്‍
ഓമനേ എന്നെ പുണരുമ്പോള്‍
ആയിരമായിരം മിന്നല്‍പ്പിണറുകള്‍
രോമഹര്‍ഷമായ് വിരിയുന്നൂ - സഖീ
രോമഹര്‍ഷമായ് വിരിയുന്നൂ

അധരം മധുചഷകം
ഹൃദയം അമൃതകലശം
നയനം പുഷ്പബാണം - സഖീ
നീയൊരു പ്രേമകാവ്യം
അധരം മധുചഷകം

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Adharam madhuchashakam

Additional Info

അനുബന്ധവർത്തമാനം