കഥയമമ കഥയമമ

 

കഥയമമ കഥയമമ
കഥകളതി സാഗരം കഥകളതി സാദരം
കഥയമമ കഥയമമ
കഥകളതി സാദരം കഥകളതി സാഗരം

പലകോടി ജന്മങ്ങൾ കുമിളകളായുണർന്നുടയും
കഥാസരിൻ സാഗരസീമയിൽ
കഥകളാകുന്നു നാമറിവീലയെങ്കിലും
അഥവാ തിരിച്ചറിഞ്ഞെന്നാലുമറിയുകില്ലുൾ കഥ
കഥകളാൽ  നിവൃതമീ  പ്രകൃതിയും
(കഥയമമമ...)

കഥകളീ കടലുകൾ കുലശൈല ശൃംഗങ്ങൾ
കഥ തന്നെ വഴി നീളെ അടരുമീ ഇലകളും
കദനമായെരിയുമായുസ്സിന്റെ തിരി കെട്ടു
കഥ കഴിയുമ്പോൾ   തുടങ്ങുന്നു
പുതിയതൊന്നവസാനമില്ലാതെ കഥനമോ
തുടരുന്നു തുടരുന്നു തുടരുന്നു
(കഥയമമമ...)

വഴിയോരസത്രത്തിലപരാഹ്ന വേളയിൽ
ഒരുമിച്ചു കൂടി പിരിഞ്ഞു പോകും വരെ
പറയുക പറയുക കഥകൾ നിരന്തരം
കഥ പറഞ്ഞങ്ങനെ കഥകളായ് കാലത്തിൽ
അലിയുക അതിലൊരു കഥയില്ലയെങ്കിലും
കഥകളെക്കാൾ ഭാർമില്ല ഭൂമിക്കുമെന്നറിയുക
ആഴമില്ലൊരു സമുദ്രത്തിനും
(കഥയമമമ...)

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kathayamama

Additional Info

അനുബന്ധവർത്തമാനം