അമ്മയെന്ന രണ്ടക്ഷരം

അമ്മേ... അമ്മേ ....അമ്മേ....
അമ്മയെന്ന രണ്ടക്ഷരം
അമ്പലമൊരു പൊന്നമ്പലം (2)
ഉടലുമുയിരും ഒൻപതു മാസം
ഭജമിരുന്ന പൊന്നമ്പലം
(അമ്മേ...)


ആദ്യമായി ഞങ്ങടെ നാവിൽ വന്നുണരുന്ന-
തവിടുത്തെ മഹനീയ നാമമല്ലേ
ആ മാറിലൂറുന്ന പുണ്യതീർത്ഥം
ആദ്യത്തെ പാലമൃതം
ഞങ്ങൾക്കാദ്യത്തെ പഞ്ചാമൃതം
(അമ്മേ...)


ആദ്യമായ് ഞങ്ങടെ കണ്ണിൽ വന്നലിയുന്ന-
തവിടുത്തെ കമനീയ രൂപമല്ലേ
അവിടുത്തെ താരട്ടിന്നീണമല്ലോ
ആദ്യത്തെ രാഗാമൃതം
ഞങ്ങൾക്കാദ്യത്തെ ഗാനാമൃതം
രാരീരാരിരോ രാരീരാരീരോ
 (അമ്മേ...)

 
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ammayenna Randaksharam

Additional Info

Year: 
1980

അനുബന്ധവർത്തമാനം