കനകമുന്തിരി മലരു കൊണ്ടൊരു വീട്

 

കനകമുന്തിരി മലരു കൊണ്ടൊരു വീട്
കനവൊരുക്കിയ കതിരു കൊണ്ടൊരു വീട്
അഴകുകളിൽ പടവുകളിൽ ഒളി വിതറിയിതാ
നിറം നിറം ദിനം ദിനം (കനക..)

മോഹങ്ങൾ കുളിരോളങ്ങൾ തീരങ്ങളേറും കാലമിതാ
സൂനങ്ങൾ മണിദീപങ്ങൾ നിറ നാളങ്ങൾ ചൂടും വേളയിതാ
സുരഭിലമൊരു ജീവിതം
അതിലെഴും ഒരു ഗീതകം
ലയം ലയം ഒരേ ലയം
രഥം രഥം മനോരഥം (കനക..)


മേഘങ്ങൾ ഹിമവാഹങ്ങൾ തേന്മാരി പെയ്യും കാലമിതാ
രാഗങ്ങൾ നവ രാഗങ്ങൾ അകതാരിൽ തുളുമ്പും നേരമിതാ
മധുരിതമൊരു ജീവിതം
തരളതയതിനാമുഖം
വരം വരം തരും സുഖം
പ്രിയം പ്രിയം മനോവരം (കനക...)