മാറത്തൊരു കരിവണ്ട്

മാറത്തൊരു കരിവണ്ട്
തേനുണ്ടു മയങ്ങുന്ന
മാർകഴിത്തിങ്കൾ പൂവേ
നീയുറക്കൊഴിക്കുന്ന
വിണ്ണിന്റെ പുറമുറ്റ-
ത്തായിരം കണ്ണുനീർപ്പൂക്കൾ
ഇതാരുടെ കണ്ണുനീർപ്പൂക്കൾ
(മാറത്തൊരു...)

മാനത്തെ ദേവദൂതികളേ നിങ്ങൾ
താഴത്തേക്കൊന്നു നോക്കൂ
ഇവിടെയീ മണ്ണിലോ
കണ്ണുനീർപ്പൂക്കളായ്
വിരിയാത്ത നൊമ്പരങ്ങൾ
ആ വിരിയാത്ത നൊമ്പരങ്ങൾ

പാപികൾ വാഴും താഴ്വരയിൽ ഏതോ
ശാപത്തിൻ പാഴ് നിഴലിൽ
ഒരു തുള്ളിക്കഞ്ഞിക്കായ്
കൈക്കുമ്പിൾ നീട്ടുന്നു
പിടയുന്ന ജീവിതങ്ങൾ ഇന്നീ
പിറവിതൻ സങ്കടങ്ങൾ
(മാറത്തൊരു...)