ഏദൻ തോട്ടത്തിന്നേകാന്തതയിൽ

ഏദൻതോട്ടത്തിൻ ഏകാന്തതയിൽ
ആദം ദുഃഖിതനായ് നിന്നൂ
ആ ദുഃഖത്തിൻ അഗ്നികെടുത്തിയ
മാദകലാവണ്യമേ - സ്ത്രീയെന്ന
മാദകലാവണ്യമേ (ഏദൻ..)

ആദം നിന്നെ പ്രണയിച്ചു
ആദികവി നിന്നെ പ്രണമിച്ചു
പുണ്യത്തിൻ പുഷ്പകിരീടവും പാപത്തിൻ
മുൾമുടിയും നിന്നെയണിയിച്ചു
ജീവിതമണിയിച്ചൂ (ഏദൻ..)

നഗ്നം നിൻ പദം വേദനിച്ചു
നാഗരികതയുടെ നടവഴിയിൽ
ഭഗ്നമോഹങ്ങൾതൻ ഹോമകുണ്ഡത്തി-
ലൊരഗ്നിപുഷ്പം പോലെ നീ വിടർന്നു
ജ്വാലയായിതൾ വിടർന്നു (ഏദൻ...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Edhen Thottathin

Additional Info

അനുബന്ധവർത്തമാനം