കാനനസദനത്തിൻ മണിമുറ്റത്തലയുന്ന

ഓ... ഓ... ഓ... ആ... ആ... 

കാനനസദനത്തിന്‍ മണിമുറ്റത്തലയുന്ന
കല്യാണസൌഗന്ധിക മലരേ - മലരേ (2)
ഏതൊരു മാമുനിതന്‍ ശാപത്താല്‍ നീയിരുളില്‍
ഏകാന്തകാമുകിയായ് കരയുന്നൂ - കരയുന്നൂ
കാനനസദനത്തിന്‍ മണിമുറ്റത്തലയുന്ന
കല്യാണസൌഗന്ധിക മലരേ - മലരേ

കാണാത്ത കൊട്ടാരത്തിന്‍ കല്ലറവാതിലില്‍
കള്ളിമുള്‍ക്കാവല്‍ക്കാരുറങ്ങുമ്പോള്‍
നിന്നുടെ സ്വപ്നമാകും അമ്പലപ്പിറാവിനെ
കണ്ണീരിന്‍ കത്തുമായിട്ടയപ്പതെങ്ങോ
ഓ... ആ... 

ചന്ദനവനങ്ങളില്‍ വീണ വായിക്കുമാ
ഗന്ധര്‍വന്‍ നിന്‍ ഗാനം കേട്ടെങ്കില്‍ (2)
പ്രേതലോകത്തിന്‍ തടവുകാരീ നിനക്കു
ശാപമോക്ഷം തന്നെങ്കില്‍.

കാനനസദനത്തിന്‍ മണിമുറ്റത്തലയുന്ന
കല്യാണസൌഗന്ധിക മലരേ - മലരേ 
ഏതൊരു മാമുനിതന്‍ ശാപത്താല്‍ നീയിരുളില്‍
ഏകാന്തകാമുകിയായ് കരയുന്നൂ - കരയുന്നൂ
കാനനസദനത്തിന്‍ മണിമുറ്റത്തലയുന്ന
കല്യാണസൌഗന്ധിക മലരേ - മലരേ

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kaanana sadhanathin

Additional Info

അനുബന്ധവർത്തമാനം