വിവാഹമണ്ഡപത്തിലാളൊഴിയും

വിവാഹമണ്ഡപത്തിലാളൊഴിയും - വേഗം
വിരുന്നുകാർ കൈകൂപ്പി പിരിഞ്ഞു പോകും
അണിയറയിൽ - നിന്റെ മണിയറയിൽ - നീയും
മണവാളച്ചെറുക്കനും മാത്രമാകും 
വിവാഹമണ്ഡപത്തിലാളൊഴിയും

അരങ്ങത്തു നടന്നത്‌ ചടങ്ങുമാത്രം
അനുരാഗനാടക നാന്ദിമാത്രം
മുഖപടമില്ലാതെ - അഭിനയമില്ലാതെ
അനുഭവിച്ചറിയണമാദ്യരംഗം 
വിവാഹമണ്ഡപത്തിലാളൊഴിയും

പറയേണ്ട വരികൾ മറന്നുപോകാം 
പാടേണ്ട പദങ്ങളും മറന്നേക്കാം 
പരിസരം മറന്നാലും ജീവിത സുഖദു:ഖ 
പരസ്പര സമർപ്പണം ആദ്യധർമ്മം 
പരസ്പര സമർപ്പണം ആദ്യധർമ്മം 

വിവാഹമണ്ഡപത്തിലാളൊഴിയും - വേഗം
വിരുന്നുകാർ കൈകൂപ്പി പിരിഞ്ഞു പോകും
വിവാഹമണ്ഡപത്തിലാളൊഴിയും