ഹേമന്തനിദ്രയിൽ നിന്നും

ഹേമന്തനിദ്രയില്‍ നിന്നും വിളിച്ചുണര്‍ത്തീയെന്നെ
പ്രേമത്തിന്‍ പ്രമദവനത്തില്‍ ക്ഷണിച്ചിരുത്തീ - ഭവാന്‍ 
ക്ഷണിച്ചിരുത്തി
അഞ്ജനക്കണ്ണിണയില്‍ ആയിരം തിരിയിട്ട
മഞ്ജുള സങ്കല്പങ്ങള്‍ കൊളുത്തിവെച്ചു
(ഹേമന്ത..)

കോമളകരങ്ങള്‍ തന്‍ സ്പര്‍ശനം കൊണ്ടു ഞാനാം
പാഴ്മരത്തുണ്ടിനെ നീ തൂമണിവീണയാക്കി
കോമളകരങ്ങള്‍ തന്‍ സ്പര്‍ശനം കൊണ്ടു ഞാനാം
പാഴ്മരത്തുണ്ടിനെ നീ തൂമണിവീണയാക്കി
സ്നേഹാര്‍ദ്രസംഗീതത്തിന്‍ സുധ പകര്‍ന്നൂ - എന്നില്‍
പാടാത്ത പല്ലവികള്‍ തുളുമ്പിവന്നൂ‍ 
(ഹേമന്ത..)

എന്തിനോ ഭവാനെന്നെ സങ്കല്പനന്ദനത്തിന്‍
മുന്തിരിക്കുടിലിലെ നൃത്തമണ്ഡപങ്ങളില്‍
ഉദ്യാനലക്ഷ്മിയായി പിടിച്ചിരുത്തി - ഞാനോ
ലജ്ജാവിവശയായ് പകച്ചുപോയീ 
(ഹേമന്ത..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
hemantha nidrayil ninnum

Additional Info

അനുബന്ധവർത്തമാനം