മാമ്പഴക്കൂട്ടത്തിൽ മൽഗോവയാണു നീ
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം...
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം - ഹയ്
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം
കാട്ടുമരങ്ങളില്‍ കരിവീട്ടിയാണു നീ
വീട്ടുമൃഗങ്ങളില്‍ സിന്ധിപ്പശു
ദാനശീലത്തിലോ കര്‍ണ്ണന്റെ ചേച്ചി നീ
കാണുന്ന പുഴകളില്‍ പമ്പയല്ലോ (2)
കാറിന്റെ കൂട്ടത്തില്‍ പുത്തന്‍ ഫിയറ്റു നീ
കായല്‍നിരകളില്‍ കൈതപ്പുഴ (2)- ഹയ്
കായല്‍നിരകളില്‍ കൈതപ്പുഴ
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം
പച്ചമരുന്നുകളില്‍ പലകപ്പയ്യാനി നീ
അച്ചാറിന്‍ കൂട്ടത്തില്‍ ഉപ്പുമാങ്ങാ (2)
പൂരങ്ങളില്‍ വെച്ച് തൃശ്ശൂർപൂരം
താരങ്ങളില്‍ വെച്ച് വൈജയന്തി (2) - സിനിമാ
താരങ്ങളില്‍ വെച്ച് വൈജയന്തി - ഹഹ
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം
കാട്ടുമരങ്ങളില്‍ കരിവീട്ടിയാണു നീ
വീട്ടുമൃഗങ്ങളില്‍ സിന്ധിപ്പശു
