നാഗസ്വരത്തിന്റെ നാദം കേൾക്കുമ്പോൾ

നാഗസ്വരത്തിന്റെ നാദം കേള്‍ക്കുമ്പോള്‍ 
നാണം കുണുങ്ങല്ലേ - പെണ്ണേ
നാണം കുണുങ്ങല്ലേ (2)

കൂട്ടുകാരൊന്നായി കുരവയിടുംനേരം
കൂട്ടംവെടിയല്ലേ - പെണ്ണേ
കൂട്ടംവെടിയല്ലേ (2)

മണ്ഡപംതന്നില്‍ നിന്‍ കൈപിടിച്ചമ്മായി
കൊണ്ടുചെന്നാക്കുമ്പോള്‍ - നിന്നെ
കൊണ്ടുചെന്നാക്കുമ്പോള്‍ (2)

നാലാളു കാണ്‍കെ നീ നാണിച്ചു നാണിച്ചു
കാലുവിറയ്ക്കല്ലേ - നിന്നുടെ 
കാലുവിറയ്ക്കല്ലേ (2)

നാഗസ്വരത്തിന്റെ നാദം കേള്‍ക്കുമ്പോള്‍ 
നാണം കുണുങ്ങല്ലേ - പെണ്ണേ
നാണം കുണുങ്ങല്ലേ 

കനകത്തിന്‍ പൂത്താലി മണവാളന്‍ കെട്ടുമ്പോള്‍
കണ്ഠം തിരിയ്ക്കരുതേ - നിന്റെ
കണ്ഠം തിരിയ്ക്കരുതേ (2)

തങ്കക്കസവിന്റെ പുടവ തരുംനേരം
താഴെ കളയരുതേ - പുടവ
താഴെക്കളയരുതേ (2)

നാഗസ്വരത്തിന്റെ നാദം കേള്‍ക്കുമ്പോള്‍ 
നാണം കുണുങ്ങല്ലേ - പെണ്ണേ
നാണം കുണുങ്ങല്ലേ 

കല്യാണച്ചെക്കനെ കാല്‍ കഴുകിയ്ക്കുമ്പോള്‍
കള്ളക്കണ്ണെറിയല്ലേ - തോഴീ
കള്ളക്കണ്ണെറിയല്ലേ (2)

കന്യകമാര്‍ മുന്നില്‍ താലം പിടിയ്ക്കുമ്പോള്‍
കണ്ടു ചിരിയ്ക്കല്ലേ - തോഴി
കണ്ടു ചിരിയ്ക്കല്ലേ (2)

നാഗസ്വരത്തിന്റെ നാദം കേള്‍ക്കുമ്പോള്‍ 
നാണം കുണുങ്ങല്ലേ - പെണ്ണേ
നാണം കുണുങ്ങല്ലേ 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Naagaswarathinte

Additional Info

അനുബന്ധവർത്തമാനം