കിഴക്കു ദിക്കിലെ ചെന്തെങ്ങിൽ

കിഴക്കു ദിക്കിലെ ചെന്തെങ്ങില്‍
കരിക്കു പൊന്തിയ നേരത്ത്‌
മുരുക്കിന്‍ തയ്യേ നിന്നുടെ ചോട്ടില്‍
മുറുക്കിത്തുപ്പിയതാരാണ്‌
മുറുക്കിത്തുപ്പിയതാരാണ്‌
(കിഴക്കു... )

മലമുകളിലെ കിറുക്കന്‍ കാറ്റിന്‌
കലിയിളകിയ കാലത്ത്‌
കലിയിളകിയ കാലത്ത്‌ (2)
മുല്ലവീട്ടിലെ മുത്തശ്ശിതള്ളേടെ
പല്ലുകൊഴിച്ചതാരാണ്‌
പല്ലുകൊഴിച്ചതാരാണ്‌
(കിഴക്കു... )

വെള്ളത്തുണിയിട്ടു മാനത്തെപ്പെണ്ണുങ്ങള്‍
പള്ളിയില്‍ പോകണ നേരത്ത്‌
പള്ളിയില്‍ പോകണ നേരത്ത്‌ (2)
ഓടക്കാട്ടില്‍ ഒളിച്ചിരുന്നു
ഓശാന പാടണതാരാണ്‌
ഓശാന പാടണതാരാണ്‌ 
(കിഴക്കു... )

ഇടവപ്പാതിക്കു കരിമുകിലുകള്‍
ഇളിച്ചു കാട്ടണ കാലത്ത്‌
ഇളിച്ചു കാട്ടണ കാലത്ത്‌ (2)
പടിക്കലെത്തിയ പാണനെപ്പോലെ
ഉടുക്കു കൊട്ടണതാരാണ്‌
ഉടുക്കു കൊട്ടണതാരാണ്‌ 

കിഴക്കു ദിക്കിലെ ചെന്തെങ്ങില്‍
കരിക്കു പൊന്തിയ നേരത്ത്‌
മുരുക്കിന്‍ തയ്യേ നിന്നുടെ ചോട്ടില്‍
മുറുക്കിത്തുപ്പിയതാരാണ്‌
മുറുക്കിത്തുപ്പിയതാരാണ്‌ 

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
3
Average: 3 (1 vote)
Kizhakku dikkile

Additional Info

അനുബന്ധവർത്തമാനം