പഞ്ചതന്ത്രം കഥയിലെ

പഞ്ചതന്ത്രം കഥയിലെ
പഞ്ചവർണ്ണക്കുടിലിലെ
മാണിക്ക്യപൈങ്കിളി മാനം പറക്കുന്ന
വാനമ്പാടിയെ സ്നേഹിച്ചു - ഒരു
വാനമ്പാടിയെ സ്നേഹിച്ചു

കൂട്ടുകാരറിഞ്ഞില്ലാ
വീട്ടുകാരറിഞ്ഞില്ലാ‍
കൂട്ടിലിരുന്നവൾ കനവു കണ്ടു
ഒരോ കിനാവിലും മാലാഖമാർ വന്നു
ശോശന്ന പുഷ്പങ്ങൾ ചൂടിച്ചു - അന്നു
ശോശന്ന പുഷ്പങ്ങൾ ചൂടിച്ചു
(പഞ്ചതന്ത്രം..)

അകലെ മണല്‍പ്പുറത്തവന്‍ പാടി 
അവളുടെ മൌനമതേറ്റു പാടി 
ഒരു ദിവ്യഗാനത്തിലനുരക്തയായ്ത്തീര്‍ന്ന
യെരുശലേം പുത്രിയെ പോലെ 
(പഞ്ചതന്ത്രം..)

കൂട്ടുകാരറിഞ്ഞപ്പോൾ
വീട്ടുകാരറിഞ്ഞപ്പോൾ
നാട്ടുമ്പുറത്തതു പാട്ടായി
ഇന്നോ നാളെയൊ മനസ്സു ചോദ്യത്തിനു
വന്നെങ്കിലെന്നവളാശിച്ചു - അവൻ
വന്നെങ്കിലെന്നവളാശിച്ചു
(പഞ്ചതന്ത്രം..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
9
Average: 9 (1 vote)
Panchathanthram Kadhayile

Additional Info

Year: 
1969

അനുബന്ധവർത്തമാനം