മറ്റൊരു സീതയെ കാട്ടിലേക്കയയ്ക്കുന്നൂ

മറ്റൊരു സീതയെ കാട്ടിലേക്കയയ്ക്കുന്നൂ
ദുഷ്ടനാം ദുര്‍വിധി വീണ്ടും - ഇതാ
ദുഷ്ടനാം ഉര്‍വിധി വീണ്ടും 
(മറ്റൊരു... )

യുഗങ്ങള്‍ കഴിഞ്ഞിട്ടും ജഗം തന്നെ മാറിയിട്ടും
ചരിത്രത്തിന്‍ ചക്രം വീണ്ടും തിരിയുന്നൂ (2)
കണ്ണുനീര്‍മുകിലുകള്‍ കവിളത്തു പെയ്യുമീ-
പെണ്ണിന്റെ നൊമ്പരം ആരറിയാന്‍ (2)

വേര്‍പിരിഞ്ഞകലുന്ന നിന്നിണക്കിളിയുടെ
വേദന കുലുങ്ങാതെ കണ്ടുനില്‍ക്കാന്‍ (2)
രാമനല്ലല്ലോ നീ - ഓ.. ഓ..
രാമനല്ലല്ലോ നീ - രാജാവുമല്ലല്ലോ
കേവലനാമൊരു മനുജന്‍ 
രാമനല്ലല്ലോ നീ രാജാവുമല്ലല്ലോ
കേവലനാമൊരു മനുജന്‍ 
(മറ്റൊരു... )

നിന്‍ മനസ്സാക്ഷിയും ധര്‍മ്മവും തമ്മില്‍ ചെയ്യും
കര്‍മ്മയുദ്ധത്തില്‍ ഭവാന്‍ ജയിച്ചെങ്കിലും
നിന്‍ മനസ്സാക്ഷിയും ധര്‍മ്മവും തമ്മില്‍ ചെയ്യും
കര്‍മ്മയുദ്ധത്തില്‍ ഭവാന്‍ ജയിച്ചെങ്കിലും
പടയിതില്‍ പരുക്കേറ്റു പിടഞ്ഞുകൊണ്ടോടിയല്ലോ
നിരപരാധിയാം നിന്റെ ഹൃദയേശ്വരി (പടയിതില്‍..)
നിരപരാധിയാം നിന്റെ... ഹൃദയേശ്വരീ.... 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Mattoru seethaye

Additional Info

അനുബന്ധവർത്തമാനം