ചൈത്രമാസത്തിലെ

ചൈത്രമാസത്തിലെ ആദ്യത്തെ മുല്ലപ്പൂ
പൊട്ടിച്ചിരിച്ചപ്പോൾ
നിന്നെയാദ്യം ഞാൻ കണ്ടൊരാ രംഗം
നീ മറന്നുവോ - സഖീ നീ മറന്നുവോ
(ചൈത്രമാസത്തിലെ... )

മുറ്റത്തെ മാങ്കൊമ്പില്‍ ആദ്യത്തെ പൂങ്കുല
മുത്തണിക്കിങ്ങിണി ചാര്‍ത്തിയപ്പോള്‍
നിന്റെ രൂപത്തില്‍ കണ്ടു ഞാന്‍ സഖി
എന്റെ സ്വപ്നത്തിന്‍ നായികയെ - എന്റെ
സങ്കല്പനായികയെ
(ചൈത്രമാസത്തിലെ... )

പ്രത്യൂഷചന്ദ്രിക പോലെ നീ വന്നെന്നെ
നിദ്രയില്‍ നിന്നു വിളിച്ചുണര്‍ത്തി
മാനസമണിവീണയില്‍ പ്രേമഗാനപല്ലവിയായ് നീ
ഗാനപല്ലവിയായി നീ
(ചൈത്രമാസത്തിലെ... )

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
10
Average: 10 (2 votes)
Chaithramaasathile

Additional Info

അനുബന്ധവർത്തമാനം