കാറ്റടിച്ചൂ കൊടുങ്കാറ്റടിച്ചൂ

കാറ്റടിച്ചു കൊടുങ്കാറ്റടിച്ചു
കായലിലെ വിളക്കുമരം കണ്ണടച്ചു
സ്വർഗ്ഗവും നരകവും കാലമാം കടലി-
നക്കരെയോ ഇക്കരെയോ...(കാറ്റടിച്ചൂ...)

മനുഷ്യനെ സൃഷ്‌ടിച്ചതീശ്വരനാണെങ്കിൽ
ഈശ്വരനോടൊരു ചോദ്യം
കണ്ണുനീർ കടലിലെ കണ്മണി ദ്വീപിതു
ഞങ്ങൾക്കെന്തിനു തന്നു പണ്ടു നീ
ഞങ്ങൾക്കെന്തിനു തന്നു ....(കാറ്റടിച്ചൂ...)

മനുഷ്യനെ തീർത്തതു ചെകുത്താനാണെങ്കിൽ
ചെകുത്താനോടൊരു ചോദ്യം
സ്വർഗത്തിൽ വന്നൊരു കനിനീട്ടി ഞങ്ങളെ
ദുഖകടലിലെറിഞ്ഞു- എന്തിനീ
ദുഖകടലിലെറിഞ്ഞു....(കാറ്റടിച്ചൂ...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
3
Average: 3 (1 vote)
kattadichu kodum kattadichu

Additional Info

അനുബന്ധവർത്തമാനം