പ്രേമസ്വപ്നത്തിൻ ദേഹമടക്കിയ

പ്രേമസ്വപ്നത്തിൻ ദേഹമടക്കിയ
പ്രേതകുടീരത്തിൻ വാതിലിൽ 
പൊട്ടിക്കരയുന്ന ശ്രാവണചന്ദ്രിക
പുഷ്പം വിതറുവാൻ വന്നു - വീണ്ടും
പുഷ്പം വിതറുവാൻ വന്നു

ഓ.....ഓ......
കൂപ്പുകൈ മൊട്ടുമായ് നക്ഷത്രകന്യകൾ
വീർപ്പുമടക്കി നോക്കുമ്പോൾ
പാതിരാപ്പക്ഷിതൻ ഗദ്ഗദം മാത്രമീ -
പാരും വാനും കേട്ടില്ല

ഓ....ഓ.......
കല്ലറവാതിലിൽ വർഷാന്തസന്ധ്യകൾ
കണ്ണുനീർ കൈത്തിരി വയ്ക്കുമ്പോൾ
മന്ദം മന്ദമീ അസ്ഥിമാടത്തിന്റെ
നെഞ്ചിൻ സ്പന്ദനം കേൾക്കും നിങ്ങൾ