മയിൽപ്പീലിക്കണ്ണിലെ
മയിൽപ്പീലിക്കണ്ണിലെ കലയെവിടേ
മാതളച്ചുണ്ടിലെ മദമെവിടെ
പരിഭവത്തിൻ മുഖപടത്തിൽ
പൊതിയുന്ന നാണത്തിൻ മുത്തെവിടെ
എവിടെ മുത്തെവിടെ മുത്തെവിടെ
പകൽ കണ്ട സ്വപ്നത്തിലെന്നെ നീ ചൂടിച്ച
പ്രണയ പ്രസാദവുമായ് എന്നും
അരികത്തു നിൽക്കുമെന്നഭിലാഷങ്ങൾക്ക്
ചിറകു നൽകാറുള്ള ചിരിയെവിടെ
എവിടെ ചിരിയെവിടേ
ചിരിയെ ചിരി കൊണ്ടു മൂടുമ്പോൾ നിന്നിൽ
ജ്വലിക്കുന്നൊരുന്മാദമെവിടെ
എവിടെ എവിടെ എവിടെ
നഖമുള്ള നിന്റെ വികാരങ്ങൾ ചാർത്തിച്ച
പുതിയ സുഗന്ധവുമായ് നിന്നിൽ
പടരുവാൻ നിൽക്കുമെന്നാവേശങ്ങൾക്ക്
പകർന്നു നൽകാറുള്ള ചൂടെവിടെ
എവിടെ ചൂടെവിടെ
ഞരമ്പു ഞരമ്പിന്മേൽ പിണയുമ്പോൾ നിന്നിൽ
നിറയുന്നൊരാലസ്യമെവിടേ
എവിടെ എവിടെ എവിടെ
മയിൽപ്പീലിക്കണ്ണിലെ കലയെവിടേ
മാതളച്ചുണ്ടിലെ മദമെവിടെ
പരിഭവത്തിൻ മുഖപടത്തിൽ
പൊതിയുന്ന നാണത്തിൻ മുത്തെവിടെ
എവിടെ മുത്തെവിടെ മുത്തെവിടെ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Mayilppeelikkannile
Additional Info
ഗാനശാഖ: