ഇന്ദ്രനീല യവനിക ഞൊറിഞ്ഞു

ഇന്ദ്രനീല യവനിക ഞൊറിഞ്ഞു
ചന്ദ്രലേഖ മണിയറ തുറന്നു
രജനീ ചൈത്രരജനീ - നിൻറെ
രഹസ്യകാമുകൻ വരുമോ....
(ഇന്ദ്രനീല..)

അർദ്ധനഗ്‌നാംഗിയായ് അന്തഃപുരത്തിൽ നീ
അല്ലെങ്കിലെന്തിനായ് ഒരുങ്ങിനിന്നു
കാറ്റത്തു കിളിവാതിൽ താനെ തുറന്നപ്പോൾ
കൈകൊണ്ടു മാറിടം മറച്ചു - നീ
കൈകൊണ്ടു മാറിടം മറച്ചു....
(ഇന്ദ്രനീല..)

മഞ്ജുപീതാംബരം മഞ്ഞിൽ നനച്ചു നീ
പഞ്ചലോഹക്കട്ടിൽ അലങ്കരിച്ചു
മാണിക്യമെതിയടി കാലൊച്ച കേട്ടപ്പോൾ
നാണിച്ചു നിൻ മുഖം കുനിച്ചു - നീ
നാണിച്ചു നിൻ മുഖം കുനിച്ചു...
(ഇന്ദ്രനീല..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Indraneela yavanika

Additional Info

Year: 
1969

അനുബന്ധവർത്തമാനം