കൃഷ്ണാ കമലനയനശ്രീകൃഷ്ണാ
കൃഷ്ണാ കമലനയനശ്രീകൃഷ്ണാ നിന്നെ
കാത്തു നില്പൂ നിന്റെ രാധ
കാളിന്ദീതടത്തിലെ കളിമൺ കുടിലിലെ
കാമിനിമണിയാം രാധ (കൃഷ്ണാ..)
ഗോപികമാരുടെ പാൽക്കുടം തുള്ളും
ഗോവർദ്ധനത്തിന്നരികിൽ (2)
മാരകാകളി പാടി - മാധവാ മുഖം തേടി
മാലതീസദനമിതലങ്കരിച്ചു
കൃഷ്ണാ കമലനയനശ്രീകൃഷ്ണാ നിന്നെ
കാത്തു നില്പൂ നിന്റെ രാധ - നിന്റെ രാധ
മഞ്ഞിൽ കുളിച്ചു മദാലസ ധാത്രിയായ്
മന്ദഹസിക്കുമീ ചന്ദ്രികയിൽ (2)
രാസകേളികളാടി രാഗലഹരി ചൂടി
രാത്രിയുറക്കൊഴിക്കാൻ കൊതിപ്പൂ
രാജീവലോചനനെ വിളിപ്പൂ
കൃഷ്ണാ കമലനയനശ്രീകൃഷ്ണാ നിന്നെ
കാത്തു നില്പൂ നിന്റെ രാധ - നിന്റെ രാധ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Krishna kamalanayana
Additional Info
ഗാനശാഖ: