നാളീകലോചനേ നിൻ മിഴികൾക്കിന്നു

നാളീകലോചനേ നിൻ മിഴികൾക്കിന്നു
നീലിമ എങ്ങനെ കൂടി
നാണത്തിൽ തുടുക്കും മുഖശ്രീ മലരിനു
നാലിതളെങ്ങിനെ കൂടി - ഇന്നു
നാലിതളെങ്ങിനെ കൂടി
നാളീകലോചനേ നിൻ മിഴികൾക്കിന്നു
നീലിമ എങ്ങനെ കൂടി

കൗമാരം കഴിയുമ്പോൾ
കിളിർത്തു കിളിർത്തുവരും
രോമാഞ്ചകഞ്ചുകത്താലോ
ശ്രീമംഗലേ നിന്റെ താരുണ്യവനത്തിൽ
കാമുകൻ കടന്നതിനാലോ - ഞാനാം
കാമുകൻ കടന്നതിനാലോ
ഈ മൗനം സമ്മതമല്ലയോ
ഈ മന്ദഹാസം മറുപടിയല്ലയോ
നാളീകലോചനേ നിൻ മിഴികൾക്കിന്നു
നീലിമ എങ്ങനെ കൂടി

ഏകാന്ത നിശകളിൽ
വിതിർന്നു വിതിർന്നു വരും
മൂകവികാരങ്ങളാലോ
ചുറ്റോടുചുറ്റുമൊരാലിംഗനത്തിൻ
ചൂടിൽ കിടന്നതിനാലോ - പൂക്കൾ
മൂടിക്കിടന്നതിനാലോ
ഈ മൗനം സമ്മതമല്ലയോ
ഈ മന്ദഹാസം മറുപടിയല്ലയോ

നാളീകലോചനേ നിൻ മിഴികൾക്കിന്നു
നീലിമ എങ്ങനെ കൂടി
നാണത്തിൽ തുടുക്കും മുഖശ്രീ മലരിനു
നാലിതളെങ്ങിനെ കൂടി - ഇന്നു
നാലിതളെങ്ങിനെ കൂടി
നാളീകലോചനേ നിൻ മിഴികൾക്കിന്നു
നീലിമ എങ്ങനെ കൂടി

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Naalikalochane nin mizhikal

Additional Info

അനുബന്ധവർത്തമാനം