നീലാംബരമേ താരാപഥമേ

നീലാംബരമേ - താരാപഥമേ
ഭൂമിയിൽ ഞങ്ങൾക്കു ദുഃഖങ്ങൾ നൽകിയ
ദൈവമിപ്പൊഴും അവിടെയുണ്ടോ
അവിടെയുണ്ടോ...
(നീലാംബരമേ..)

വെള്ളിച്ചൂരലും ചുഴറ്റി
വെള്ളത്താടിയും പറത്തി
നക്ഷത്രപ്പളുങ്കുകൾ പാകിയ വഴിയിൽ
നടക്കാനിറങ്ങാറുണ്ടോ - ദൈവം
നടക്കാനിറങ്ങാറുണ്ടോ
കണ്ണീരിവിടെ കടലായി - ഞങ്ങൾ 
കണ്ടിട്ടൊരുപാടു നാളായി...
(നീലാംബരമേ..)

എല്ലാ പൂക്കളും വിടർത്തി
എല്ലാ മോഹവും ഉണർത്തി
കർപ്പൂരവിളക്കുമായ് നിൽക്കുന്ന ഞങ്ങളെ
കടക്കണ്ണെറിയാറുണ്ടോ - ദൈവം
കടക്കണ്ണെറിയാറുണ്ടോ
കണ്ണീരിവിടെ കടലായി - ഞങ്ങൾ
കണ്ടിട്ടൊരുപാടു നാളായി....
(നീലാംബരമേ..)